অসম ৰাজ্যত ড্ৰাগছৰ বিৰুদ্ধে আৰক্ষী আৰু বিএছএফ (BSF) ৰ তীব্ৰ অভিযান অব্যাহত আছে। যোৱা কালি অসমৰ মুখ্য মন্ত্ৰীৰ এটা টুইটাৰ পোষ্টত জানিব পৰা মতে – শ্ৰীভূমি জিলাৰ পাথাৰকান্দিত এক বৃহৎ অভিযান চলাই বিএছএফৰ জোৱানসকলে প্ৰায় ৩ কোটি টকা মূল্যৰ নিষিদ্ধ ফেন্সিডিল (Phensedyl) বটল জব্দ কৰিবলৈ সক্ষম হয়।
ফেন্সিডিল (Phensedyl) কি হয়?
ফেন্সিডিল আচলতে এটা কাহৰ চিৰাপ (Cough Syrup), যিটো চিকিৎসকৰ পৰামৰ্শ অনুসৰি ব্যৱহাৰ কৰা হয়। ইয়াত ‘ক’ডিন’ (Codeine) নামৰ এবিধ উপাদান থাকে, যাৰ মাত্ৰাধিক ব্যৱহাৰে মানুহক নিচাসক্ত কৰি তোলে।
বহুতো লোকে ইয়াক দৰৱ হিচাপে নহয়, বৰঞ্চ নিচা কৰিবলৈ ব্যৱহাৰ কৰে, যাৰ ফলত শৰীৰৰ গুৰুতৰ ক্ষতি হ’ব পাৰে। বিনা প্ৰেছক্ৰিপচনত বা বৃহৎ পৰিমাণত ইয়াৰ বিক্ৰী আৰু সৰবৰাহ ভাৰতত সম্পূৰ্ণ অবৈধ।
সৰবৰাহকাৰীসকলে ড্ৰাগছখিনি অতি চতুৰতাৰে এখন ট্ৰাকত আলুৰ বস্তাৰ তলত লুকুৱাই আনিছিল। মুঠ ৩০,০০০ বটল ফেন্সিডিল জব্দ কৰা হৈছে। মুখ্যমন্ত্ৰী ড০ হিমন্ত বিশ্ব শৰ্মাই সামাজিক মাধ্যমৰ জৰিয়তে এই সফল অভিযানৰ কথা জনাই বিএছএফ জোৱানসকলক শলাগ লয়। তেওঁ ধেমেলীয়াকৈ কয় যে “যেতিয়া আলুৰ কাহ হয়, তেতিয়াই বুজিব লাগে কিবা ভুল হৈছে”