SEBA/ASSEB HSLC Exam 2026: শিক্ষকসকলৰ বাবে গুৰুত্বপূৰ্ণ জাননী! পৰীক্ষাৰ নিৰীক্ষক নিযুক্তিৰ নিয়ম সলনি।

অসম বাতৰি (শিক্ষা): ২০২৬ বৰ্ষৰ হাইস্কুল শিক্ষান্ত পৰীক্ষা (HSLC) সুকলমে পৰিচালনা কৰাৰ বাবে অসম ৰাজ্যিক স্কুল শিক্ষা বোৰ্ডে (ASSEB) এক বিশেষ সংশোধনী (Corrigendum) জাৰি কৰিছে। যোৱা ৩০ জানুৱাৰী ২০২৬ তাৰিখে প্ৰকাশিত এই জাননী অনুসৰি, মেট্ৰিক পৰীক্ষাত নিৰীক্ষক (Invigilator) নিযুক্তিৰ পূৰ্বৰ নিয়ম এতিয়াৰে পৰা কাৰ্যকৰী নহ’ব।

কি এই নতুন সালসলনি? (The Major Change)

আগৰ নিৰ্দেশনাৱলীৰ PART-B (ভাগ-খ) ৰ পৃষ্ঠা নং ১১-ত উল্লেখ থকা নিয়মটো এতিয়াৰে পৰা বাতিল কৰা হৈছে।

নতুন নিয়ম: ২০২৬ বৰ্ষৰ মেট্ৰিক পৰীক্ষাত কোনো কাৰণতে অ-প্ৰাদেশীকৃত (Non-Provincialized), ভেঞ্চাৰ (Venture) বা ব্যক্তিগত (Private) খণ্ডৰ শিক্ষানুষ্ঠানৰ শিক্ষকক নিৰীক্ষক হিচাপে নিযুক্তি দিব নোৱাৰিব।
এতিয়াৰে পৰা কেৱল চৰকাৰী আৰু প্ৰাদেশীকৃত বিদ্যালয়ৰ শিক্ষকসকলেহে এই দায়িত্ব পালন কৰিব পাৰিব।

নিৰীক্ষকৰ অভাৱ হ’লে কি হ’ব?

যদি কোনো পৰীক্ষা কেন্দ্ৰত নিৰীক্ষকৰ নাটনি হয়, তেন্তে সেই অভাৱ পূৰণ কৰিবলৈ চৰকাৰে বিকল্প ব্যৱস্থা লৈছে:

• সংশ্লিষ্ট জিলাৰ শিক্ষা পৰিদৰ্শকে জিলা প্ৰাথমিক শিক্ষা বিষয়াৰ (DEEO) সৈতে আলোচনা কৰিব লাগিব।
• ইয়াৰ পিছত সেই জিলাৰে প্ৰাদেশীকৃত নিম্ন প্ৰাথমিক (LP) আৰু উচ্চ প্ৰাথমিক (UP) বিদ্যালয়ৰ অভিজ্ঞ শিক্ষকসকলক নিৰীক্ষক হিচাপে নিযুক্তি দি সেই অভাৱ পূৰণ কৰা হ’ব।

কিয় লোৱা হৈছে এই পদক্ষেপ?

পৰীক্ষাৰ গোপনীয়তা, স্বচ্ছতা আৰু পবিত্ৰতা ৰক্ষা কৰাৰ স্বাৰ্থত এই কঠোৰ পদক্ষেপ গ্ৰহণ কৰা হৈছে। এই নিৰ্দেশনা তাৎক্ষণিকভাৱে সমগ্ৰ অসমতে বলবৎ কৰা হৈছে।

মেট্ৰিক পৰীক্ষা ২০২৬ (প্ৰয়োজনীয় লিংকসমূহ):

পৰীক্ষাৰ পূৰ্বে এই গুৰুত্বপূৰ্ণ বিষয়সমূহ এবাৰ চকু ফুৰাই লওক:

• ✅ SEBA-ৰ নতুন নিৰ্দেশনাৱলী: মেট্ৰিক পৰীক্ষাৰ নতুন নিয়ম আৰু গাইডলাইনসমূহ জানক।
• ✅ OMR শ্বিট গাইড: ভুল নকৰাকৈ OMR শ্বিট পূৰণ কৰাৰ সঠিক পদ্ধতি।
• ✅ সাৱধানবাণী: পৰীক্ষা হলত কি কৰিলে বহিস্কাৰ হ’ব পাৰে? (Warning)
• ✅ Internal Assessment: স্কুলৰ আভ্যন্তৰীণ মূল্যায়ন আৰু নম্বৰ বিভাজন কেনেকৈ হ’ব?