অসম বাতৰি (গুৱাহাটী): ৭ ফেব্ৰুৱাৰী ২০২৬ তাৰিখে অনুষ্ঠিত অসম কেবিনেট বৈঠকত ৰাজ্যৰ চৰকাৰী কৰ্মচাৰী আৰু শিক্ষা খণ্ডৰ বাবে কেইবাটাও গুৰুত্বপূৰ্ণ সিদ্ধান্ত গ্ৰহণ কৰা হৈছে। মুখ্যমন্ত্রী ড° হিমন্ত বিশ্ব শৰ্মাই ঘোষণা কৰা অনুসৰি, ৰাজ্যিক কৰ্মচাৰীসকলৰ দৰমহা আৰু ভাট্টা পুনৰীক্ষণৰ বাবে ৮ম অসম দৰমহা আয়োগ, ২০২৬ গঠনত কেবিনেটে অনুমোদন জনাইছে।
৮ম অসম দৰমহা আয়োগৰ গঠন (8th Assam Pay Commission)
ৰাজ্য চৰকাৰে কেন্দ্ৰীয় চৰকাৰৰ সমান্তৰালভাৱে কৰ্মচাৰীসকলৰ স্বাৰ্থত এই আয়োগ গঠন কৰিছে। ইয়াৰ মূল বৈশিষ্ট্যসমূহ হ’ল:
- অধ্যক্ষ: অৱসৰপ্ৰাপ্ত অতিৰিক্ত মুখ্য সচিব সুভাষ চন্দ্ৰ দাসক আয়োগৰ অধ্যক্ষ হিচাপে নিযুক্তি দিয়া হৈছে।
- বিশেষ আমন্ত্ৰিত: গুৱাহাটী বিশ্ববিদ্যালয়ৰ অধ্যাপক ৰাতুল মহন্তক আয়োগৰ বিশেষ আমন্ত্ৰিত হিচাপে ৰখা হৈছে।
- সদস্য: বিত্ত, পাৰ্চনেল আৰু আইন বিভাগৰ শীৰ্ষ বিষয়াসকল আয়োগৰ সদস্য হ’ব।
- লক্ষ্য: কৰ্মচাৰী আৰু পেঞ্চনাৰসকলৰ দৰমহা, পেঞ্চন আৰু চাকৰিৰ চৰ্তাৱলী পৰীক্ষা কৰি পৰামৰ্শ প্ৰদান কৰা।
শিক্ষা আৰু ভূমি আবণ্টন (Education & Land Allotment)
কেবিনেটে ৰাজ্যৰ কেইবাখনো আগশাৰীৰ শিক্ষানুষ্ঠানৰ বাবে ভূমি আবণ্টনত অনুমোদন জনাইছে:
- IIM গুৱাহাটী: আইআইএম গুৱাহাটীৰ স্থায়ী চৌহদৰ বাবে ভূমি আবণ্টন দিয়া হৈছে।
- কৃষ্ণগুৰু আধ্যাত্মিক বিশ্বৱিদ্যালয়: সৰ্থেবাৰীৰ কৃষ্ণগুৰু আধ্যাত্মিক বিশ্বৱিদ্যালয়ৰ বাবেও ভূমি আৱণ্টনত অনুমোদন জনোৱা হৈছে।
- থলুৱা ভূমিহীন পৰিয়াল: ধেমাজি পৌৰ চহৰৰ নিকটৱৰ্তী ২,৩৭২ টা থলুৱা ভূমিহীন পৰিয়ালক ভূমি পট্টা প্ৰদানৰ সিদ্ধান্ত গ্ৰহণ কৰা হৈছে।
জল জীৱন মিছন (JJM 2.0)
কেন্দ্ৰীয় চৰকাৰৰ নিৰ্দেশনা অনুসৰি ‘জল জীৱন মিছন’ৰ অধীনত গ্ৰাম্য পানী যোগান ব্যৱস্থাৰ পৰিচালনাৰ বাবে এক নতুন Operations and Maintenance (O&M) Policyত কেবিনেটে অনুমোদন জনাইছে। ইয়াৰ জৰিয়তে ‘জল মিত্ৰ’ আৰু ‘জল সহায়ক’ৰ ভূমিকা অধিক শক্তিশালী কৰা হ’ব।
(Recommended Posts):
- মুখ্যমন্ত্রী স্বাৱলম্বী অসম অভিযান ২.০: ধন বিতৰণ অনুষ্ঠান
- নেচনেল আয়ুষ মিছন অসমৰ সাক্ষাৎকাৰৰ সময়সূচী
- অইল ইণ্ডিয়া লিমিটেড নিযুক্তি ২০২৬: শিক্ষক আৰু ইনষ্ট্ৰাক্টৰৰ পদ